Dduje paravise

09 settembre 2017 ore 06:11 segnala



Dduje paravise


Duje viecchie prufessure 'e cuncertino,
nu juorno, nun avevano che fá.
Pigliájeno 'a chitarra e 'o mandulino
e, 'nParaviso, jèttero a suná:
- Ttuppe-ttù - "San Pié', arapite!
ve vulimmo divertí "
"Site 'e Napule?! Trasite!
e facitece sentí "
"V'avimm''a fá sentí doje, tre canzone,
ca tutt''o Paraviso ha da cantá:
Suspire 'e vase museca 'e passione
Robba ca sulo a Napule se fa
E 'a sera, 'nParaviso, se sunaje
e tutt''e Sante jèttero a sentí
'O repertorio nun ferneva maje:
"Carmela, 'o Sole mio, Maria Marí' "
"Ah, San Pié', chesti ccanzone,
sulo Napule 'e ppò fá
arapite stu barcone:
A sentite 'sta cittá?
E, sott''o sole e 'a luna, vuje sentite
sti vvoce, ca só' voce 'e giuventù
Si po' scennite llá, nun 'o ccredite?!
Vuje, 'nParaviso, nun turnate cchiù! "
Ma, doppo poco, da 'a malincunía
'e viecchie se sentettero 'e pigliá:
Suffrévano nu poco 'e nustalgía
e, a Napule, vulèttero turná:
"Mo, San Pié', si permettite,
nuje v'avimm''a salutá "
"Site pazze! Che dicite?
Nun vulite restá ccá?!"
"Nuje simmo 'e nu paese bello e caro
ca tutto tène e nun se fa lassá:
Pusìlleco, Surriento, Marechiaro
'O Paraviso nuosto è chillu llá!"


Musica: E.A. Mario,
Versi: Ciro Parente.
Anno: 1928



47a4c37d-509e-4d91-b0e0-38b59a031a49
« immagine » Dduje paravise Duje viecchie prufessure 'e cuncertino, nu juorno, nun avevano che fá. Pigliájeno 'a chitarra e 'o mandulino e, 'nParaviso, jèttero a suná: - Ttuppe-ttù - "San Pié', arapite! ve vulimmo divertí " "Site 'e Napule?! Trasite! e facitece sentí " "V'avimm''a fá sentí do...
Post
09/09/2017 06:11:29
none
  • mi piace
    iLikeIt
    PublicVote
    10

Commenti

  1. antioco1 09 settembre 2017 ore 10:36
    veramente bella ciao e buona giornata
  2. oDiabolik 09 settembre 2017 ore 18:20
    @antioco1 :

    Ciao Ale grazie

Scrivi commento

Fai la login per commentare

Accedi al sito per lasciare un commento a questo post.