L' essenza 'e chesta vita

11 gennaio 2017 ore 20:32 segnala


.

Pe cchesta vita mia tu sì ll'essenza

'na cosa ca nun m' a ddà maje mancà

pe mme è fondamentale 'sta presenza

ji senza 'e te nun me saccìe orientà.



Si 'o ppane quotidiano d'à matìna

'o llatte ca se 'mmesca int' 'o ccafè

si 'na carezza 'e mamma a 'nu bammìno

'a bambulella còpp' 'o sigritè.



Ringazio 'a Dio ca t'àggia canusciuta

ca 'mmiez''a ttante m'ha purtato a tte

me ll'arricordo ancora comm'è gghiuto

ma è 'nu segreto ca tengo pe mme.



Quanne nun ce staje tù..? Me vène 'o pìccio

mme manca ll'aria ca fà risciatà

me sènto comm''o fràto dò sasìccio

mme 'ncazzo! E nun me saccie cumpurtà.



Si 'o sanghe ca mì scorre dint' 'e vvene

'a canzuncella ca mme fà sunnà

sì 'a chiave ca mm'aràpe 'sti ccatene

e ''sta passione mme fà lìbberà.



Si nun ce stìsse tu 'nu muòrzo 'e femmena

t''o ggiuro! Nun sapesse cchiù ccampà

ji me sentesse ll'urdeme 'e chìst' uòmmene

'na pezza vecchia ca se pò straccià.



Pe cchesta vita mia tu sì ll'essenza!

Sì ll'accqua ca 'sta sete fà passà

'stu còre senza 'e te porta 'e scumpenze

àggie pacienza nun m'abbandunà!



Mimmo Coppola.
42b6d7c6-8d0b-426d-a13b-64cff7735792
« immagine » . Pe cchesta vita mia tu sì ll'essenza 'na cosa ca nun m' a ddà maje mancà pe mme è fondamentale 'sta presenza ji senza 'e te nun me saccìe orientà. Si 'o ppane quotidiano d'à matìna 'o llatte ca se 'mmesca int' 'o ccafè si 'na carezza 'e mamma a 'nu bammìno 'a bambulella c...
Post
11/01/2017 20:32:29
none
  • mi piace
    iLikeIt
    PublicVote
    2

Scrivi commento

Fai la login per commentare

Accedi al sito per lasciare un commento a questo post.